Òrt Godolin es clavat per una novèla carrièra redonda d'En President Woodrow Wilson, lo teorician e president american de las nacions d'Euròpa, contra los imperialismes europèus, l'òme de l'invencion de la societat de las nacions, a Ginèbra, societat de patz aprèp la guèrra europèa e mondiala de 14/18 que l'imperialista Hitler a destrusit ambe l'assentiment favorable anglés e francés. Se i aviá una astrada politica a Tolosa, seriá una astrada aquesta, e vièlha, que liga la poësia occitana a un apelacion d'una carrièra redonda per un òme que a bastit un Euròpa plurinacionala, contra los imperialismes, President Woodrow Wilson. Qui se ne tòrna sovenir a Tolosa al XXen sègle ?

L'aiga amaga una frasa de Godolin, perqué aquesta aiga amaga aquesta frasa ? Quin es Godolin per la populacion de uèi, sapient que cap politician d'auèi parla e pensa a el quand farga una politica lingüistica, o dona puslèu una pichonèla subvencion a d'associacions militantas, que son sempre de felicitar.

Sem en decembre e lo temps de Tolosa es al solelh, un pauc freg mas gaire, es lo recalfament de la planeta, que l'activitat de l'imperialisme, o del nacional-imperialisme, destrusís pauc a pauc, coma la lenga occitana a la fin del XIXen sègle dinca uèi.